İxtisas sahələri
Qulaq-burun-boğaz və baş-boyun cərrahiyyəsində diaqnostika, müalicə və cərrahi müdaxilələr
Burun estetikası (rinoplastika)
Rinoplastika burnun formasını üz cizgiləri ilə uyğunlaşdıran, eyni zamanda burun tənəffüsünü qoruyan, lazım gəldikdə isə yaxşılaşdıran əməliyyatdır. Açıq və ya qapalı texnika pasientnin anatomiyasına uyğun seçilir; burun çəpərinin (septumun) əyriliyi və burun balıqqulaqlarının (konxaların) böyüməsi eyni əməliyyat zamanı düzəldilir (septorinoplastika). Məqsəd təbii, üzə yaraşan və uzunmüddətli nəticə əldə etməkdir.
Ətraflı məlumat →
Endoskopik sinus cərrahiyyəsi
Dərman müalicəsinə cavab verməyən xroniki sinusit, burun polipləri və təkrarlanan sinus infeksiyalarında burun dəliyindən yeridilən kamera (endoskop) vasitəsilə, üzdə kəsik aparmadan icra olunan əməliyyatdır. Sağalma dövrü qısadır, gündəlik həyata tez qayıdılır.
Ətraflı məlumat →
Qulaq xəstəlikləri və cərrahiyyəsi
Xroniki orta qulaq iltihabı, qulaq pərdəsinin deşilməsi (perforasiyası), eşitmə itkisi, orta qulaqda maye yığılması və ventilyasiya borusunun (şuntun) qoyulması, xarici qulaq iltihabları, qulaq kirinin (serumen tıxacının) təmizlənməsi. Qulaq pərdəsinin bərpası (timpanoplastika) və digər qulaq əməliyyatları.
Ətraflı məlumat →
Badamcıq və adenoid əməliyyatları
Uşaqlarda və böyüklərdə tez-tez təkrarlanan angina, badamcıq və adenoidin böyüməsi nəticəsində yaranan burun tutulması, ağızdan nəfəs alma, xorultu və yuxu apnoesi zamanı badamcıqların (tonzillektomiya) və adenoidin (adenoidektomiya) çıxarılması əməliyyatları.
Ətraflı məlumat →
Səs xəstəlikləri və cərrahiyyəsi
Səs xırıltısı; səs telləri düyünləri, polipləri və kistləri; səs tellərinin iflici və reflüksə bağlı səs problemlərinin diaqnostikası və müalicəsi. Səs telləri müayinədə endoskopik larinqoskopiya ilə qiymətləndirilir; lazım gələn hallarda mikrolarinqoskopik səs telləri cərrahiyyəsi aparılır. Səs estetikası çərçivəsində səsin qalınlaşdırılması (tonun aşağı salınması) və incəldilməsi (tonun yüksəldilməsi) əməliyyatları da icra olunur.
Ətraflı məlumat →
Qalxanabənzər vəz (tiroid) və paratiroid cərrahiyyəsi
Qalxanabənzər vəzin düyünləri, zob, qalxanabənzər vəz xərçəngi və paratiroid adenomasında ultrasəs müayinəsi (USM) və iynə biopsiyası ilə qiymətləndirmə; lazım olduqda səs tellərini idarə edən sinirin qorunmasına xüsusi diqqət yetirməklə qalxanabənzər və paratiroid vəzi əməliyyatları.
Ətraflı məlumat →
Tüpürcək vəzilərinin xəstəlikləri
Tüpürcək vəzi daşları, təkrarlanan vəz iltihabları və vəz törəmələrinin (qulaqətrafı və çənəaltı vəzilər) diaqnostikası və cərrahi müalicəsi; burada əsas məqsəd üz sinirinin qorunmasıdır.
Ətraflı məlumat →
Boyun törəmələrinin cərrahiyyəsi
Boyunda əllə hiss edilən törəmələrin (böyümüş limfa düyünləri, kistlər, vəz mənşəli şişlər) ultrasəs müayinəsi, iynə biopsiyası və lazım olduqda cərrahi yolla qiymətləndirilməsi və müalicəsi.
Ətraflı məlumat →Qəbula yazılmaq üçün müraciət
Məlumatlarınızı qeyd edin, ən qısa müddətdə sizinlə əlaqə saxlayacağıq.